Hi Ravumbiri, 15 Ndzhati, gqweta leri tirhanaka na ku pfuna vaaki ku koxa rifa ri yirisiwile ku tirha eka xiyenge xa nawu hi Legal Practice Council. Charlotte Tibana loyi a nga emahungwini mayelana na khomiwa hambikuri ku tsoniwa ntshuxeko wo tenga milandzu yakwe ari ehandle hi un'wana wa mgqweta lava nga yirisiwa hikokwalaho ka vumbabva.
Tibana (33) u dume hikuva a ri nghamu ya "Gagash" kumbe Peter Nonyana (36) loyi va nga khomiwa swin'we mayelana na ku yiva mali ya rifa ra mindyangu yo hlaya. Gagash na nghamu a dya macheleni lawa hi migingiriko leyi katsaka ku xava timovha ta manyunyu, swiambalo swo durha, tindlu, hambi kuri ku haxa mali eka nkhuvo wa Lawrence Chauke.
Tibana na Nonyana va sungula ku teka milandzu ya vona hi ti 20 ta Hukuri 2026. Hambiswiritano, lavambirhi va ehleketeleriwa ku ringeta matsalatsala yo lwisana na xiboho xa magistrate xa ku va tsona ntshuxeko wa tenga milandzu va ehandle.
21 WA VAYIMERI VA NAWU VA YIMISIWILE EKA MIGINGIRIKO YA NAWU
