Malamulele- Maphorisa mambirhi lava ava ri eku endleni ntirho wo yimisa na ku ngunduvanya swipandamanga eka Masisi, eVhembe va khomile vakhandziyi va mune lava a va famba na mirhi ehandle ka mpfumelelo wo tletleka mirhi ya vutshunguri.
Inspector Khubana na Nwendamutswu va arile ku suriwa nomo hi ntsengo lowu ringanaka R100,000 leswaku vahehliwa va nga khomiwi.
Hungu leri ri nyanyule Holobye Kekana " Maphorisa lavambirhi i xikombiso xo vangana xa ku tirha hiku tshembheka na ku rhangisa vaaki va Limpopo ku nga ri ku tiganyisa.
Kekana u tlhela a tiyisisa leswa handle ka xitifikheti xa mpfumelelo wo rhwala mirhi, vanhu va ta khomiwa.
Vahehliwa lava ku nga vahlampfa vambirhi vo huma eZimbabwe na vambirhi va laha Afrika Dzonga va yisiwile exitokisini xa ka Malamulele.
MAPHORISA VA ALA KU TEKA R100,000 YO BA MATI
